日日陪孩子為功課糾纏，甚麼辦？

朋友知道我對得小朋友多，都喜歡和我討論管教問題。有一次我朋友同我講,佢尋晚好傷心呀第一次打左個女一巴掌。結果自己同個女都喊。 佢就話佢個女呢排嘅態度都好差，叫佢做功課就扮唔識做。

是小朋友有需要，還是你有需要？ 我問:「咁差嘅態度喺邊度學返嚟㗎？」 朋友:「喺自己度學返嚟囉，因為自己成日都用唔好的態度串爸爸。」 我:「好難㗎喎，你明明知道小朋友都係學你。你一係就自己做好啲。你冇得怨小朋友學你㗎喎。」 朋友:「咁小朋友唔做功課咁你係咪有得佢聽日欠？」 我:「交畀老師鬧囉，佢自己可以承受呢個結果㗎嘛。」

傾到呢度朋友大約就明白，不想功課簿被寫上「欠」字是自己的需要不是孩子的需要。 但自己就剝奪了孩子學習自己承受唔做功課的後果嘅機會。

我:「你自己諗真啲呀，佢而家6歲，親子時間唔係好多年嘅咋，你想呢4年點樣過。」 朋友:「我都想四年開開心心享受親子時間，唔想日日喺到鬧黎鬧去㗎。」 我:「咁佢嘅人生中功課簿這一兩個星期畀老師寫「欠」咁其實都冇乜大不了姐。 無需要將呢四年嘅親子時間作犧牲。」

媽，打我罵我都可以，只要你看著我 我問:「個女嘅行為幾時開始轉變㗎。之前你哋係咪成日都有攬攬錫錫㗎。」 朋友:「係wo, 自從小左就係同佢喺床度攬攬錫錫，上床講故事嘅時間嗰陣開始嘅。 佢就脾氣開始差。我又想去佢快啲做完功課就要去理細佬啲功課。」

我:「咁唔怪之得啦，阿女唔能夠同你溫馨時間同你相處。 仲要自己做完功課你就會去理細佬。 咁唯有用唔做功課去爭取同你相處嘅時間。 對佢嚟講，爭取唔到你嘅溫馨關注， 退而求其次畀你鬧嘅關注佢都會想要。」

以前我媽每晚十一點返屋企。返到嚟佢見到我未瞓都會鬧我，果日脾氣差仲會打。而我知道如果佢返嚟發現我未瞓一定會畀阿媽鬧。 但係點解我都唔去早啲瞓情願畀人鬧呢。 就係因為我情願畀人鬧都唔想一整天冇見到媽媽。

孩子總會想辦法得到你的關注。但正面還是負面的關注，其實孩子都無所謂。

後記 結果晚上收到朋友的訊息。佢返到去第一晚就好順利，大家都和和氣氣，好開心九點就可以上床瞓。

媽媽後記

孩子的行為不是問題，行為背後問題才是問題

方法才用了兩個星期。兩星期以來小朋友都無發脾氣。囡囡放學後都會要求小睡30至90分鐘，然後就照做功課。就算欠交功課他都會自己如實告知媽媽。亦都容許他學習自己承受結果，第二日未好做功課咁就無小息，下一次就會自己做齊功課。

原來小朋友不好的行為。用了這方法去了解小朋友。不是只用鬧鬧鬧的方式。自己都要「停一停、諗一諗」。囡囡比以前較有自律性，會盡力去完成給他的工作。以前總是會說不懂用或者發脾氣。

我和爸爸亦都商議好，大家每講一句鬧對方的負面說話就要罰錢。 結果大家情緒都好了。因為對方態度好了，自己態度又好了，囡囡態度都好了。由自己角度開始改變，身邊好事都發生了。