親子營的趣事

學做師奶一小時

今次想分享小朋友學習的過程。在親子露營中，我們都鼓勵大人多比小朋友參與買餸過程。小朋友街市買野好有成功感，佢哋都好記得佢哋做過啲乜。佢地分享的，有時都幾可愛：

「原來去街市買嘢講價都唔會平嘅」

「我9蚊平咗一蚊呀！」

「我平咗5豪子」

「買左火腿.....」

「買左菜....」

呢個過程佢地學到，你要的時候人地唔一定比你，你開口就會有機會，就算最後乜都無，原來都無咩大不了，「開口，又有乜好怕wo」

學習是過程

對小朋友黎講，樣樣都好新奇，煮野食無抽油煙機，晚上無街燈，洗野果塊綠色野叫做百潔布。

小朋友的成長，有時是不知不覺的。要不同的處景先會發現。去露營一定會有小昆蟲，及無屋企咁乾淨。有媽媽好驚訝見到自己小朋友鼓勵人地話：「去露營係咁ga la，好正常」而唔係大叫同埋咩都唔掂。

得來不易才有感覺

三餐小朋友都好主動，嚷著要快D食，食多D。附近無士多，無7仔。晚餐煮成個鐘先有得食。之前仲要洗wo,本身日頭放左電。到晚上有得食時，自然乜都好食左100倍。用汗水換來的，是滿足感。

放手，實在不容易

扎木筏過程，其實要父母放手讓孩子參與，對大人黎講實在是有壓力。畢竟，自己都要坐上去划出海。欣賞大人們都願意去提供機會。孩子亦比我預期更專心去扎。說真的，天氣又熱又曬，木筏又重，6，7歲的小人兒能專注數十分鐘去扎已經係超抵讚。有在看的你，代我比10個讚！