孩子領袖才能，由幾歲做起？

8月24-26日《小領袖大隊長》小故事

在活動中孩子都喜歡爭做隊長，喜歡「話事」。認為做隊長就是人人都得聽我的意思。有時當孩子在討論時，小隊長會說：「我是隊長，大家要聽我話。」但這樣往往會引起其他孩子不滿。

領導力、說服力、以人為本等等的大人課題，應用在孩子身上行得通嗎？

有次3日2夜活動中，有班9-11歲孩子在吵吵鬧鬧。事源導師要小組去製作一個用錫紙包一個A4紙紙箱。小隊長就安排女生們去做，引起男生不滿，男生們就去搶女生的工作。小隊長就開始和男生們爭拗，愈鬧愈惡。期間推撞把其中一個孩子弄哭了。

我把小隊長拉開，來一節領袖培訓。

男生剛才吵鬧得熱哄哄，一臉惡惡的。我問：「係唔係好忟呀？」呢一句似乎說中了心中事。他開始哭了：「佢地唔聽我講......」原來他的「忟」來自自己對做隊長的要求，希望把工作做好，但苦無方法。

讓孩子學會「將心比己」

「知唔知點解大家爭野黎做呀？」

「大家黎到，都想自己有機會玩，想開心過呢三日，對不對？」

「剛才男生無得玩，女生有得玩，咁男仔咪唔開心囉～唔開心就會嘈架啦～」

「我地做領袖，要明白大家的心情，安排大家都有野做，咁大家咪會開心囉」

「同埋，你剛才的語氣咁惡，你比人地惡你，你都唔開心啦，一陣可以溫柔一點嗎？」

小男生冷靜下來：「可以」

「另外，剛才我知道你不是故意的，但的確你撞痛了另一個孩子，你可以去關心一下他嗎？」

「可以」

「咁一陣你要做D咩？」

「安排工作，同埋...問下同學有無事。」

建議方案，自己實行

之後，小隊長先找被撞的孩子問他有無事，然後用平和語氣安排每一個孩子的工作。大家在工作時，更主動去幫忙。整個製作過程都氣氛好快樂。之前吵鬧的男生，都投入去工作。最後大家開開心心地拿著製成品拍照。興幸沒有直接介入孩子的爭吵，讓他自己享受解決問題的喜悅。最後我問他：「有無開心D呀？」他自豪地點頭。

#親子教育 #親子 #教育 #領導